O pasado 5 de outubro finalizaron as saídas en barco ás Illas Cíes dentro do marco do proxecto “Rutas de Valor Sostible” que ICSEM organizou. Estes roteiros en catamarán a vela pola Ría de Vigo e visita guiada ás Illas Cíes, estaban destinadas a estudantes do grao de Ciencias do Mar, co obxectivo de poñer en valor o territorio do Parque Nacional Marítimo-Terrestre das Illas Atlánticas como eixo de desenvolvemento sostible.
Os roteiros realizáronse entre o 2 e o 5 de outubro, con saída ás desde Vigo en grupos de 10 persoas e foron todo un éxito de participación.
A continuación, deixámosvos o vídeo-resumen dos 4 días de roteiros.
Esperamos que gozásedes e apredérades tanto das xornadas como o fixemos nós. Accións como estas son importantes para poñer en valor o noso territorio e axudar a coñecelo en maior profundidade.
Esperamos poder repetir estas rutas pronto!
